२०८२ जेष्ठ १३, मंगलवार १५:४०
प्रतिनिधिसभाको बैठक सञ्चालनका लागि सभामुख देवराज घिमिरे दलहरूसँग छलफलमा जुटेका छन् ।
प्रतिपक्षी दलहरूको अवरोधका कारण अवरुद्ध भएको बैठक सुचारुका लागि सभामुखको कार्यकक्षमा छलफल चलिरहेको छ ।
‘भिजिट भिसा’ प्रकरणमा मुछिएका गृहमन्त्री रमेश लेखकले राजीनामा दिनुपर्ने माग गर्दै प्रतिपक्षी दलहरूले नाराबाजी गरेपछि सभामुख घिमिरेले बैठक आधा घण्टाका लागि स्थगित गरेका थिए ।
निर्धारित आधा घण्टापछि पनि बैठक सुचारु गर्ने वातावरण नबनेपछि संसद् सचिवालयले सूचना टाँस गरेर बैठक दिउँसो २ः३० बजेसम्मका लागि पर धकेलेको थियो ।
तर, निर्धारित समयमा पनि बैठक बस्ने अवस्था नदेखिएपछि सभामुख घिमिरे अहिले दलहरूसँग छलफलमा जुटेका उनको सचिवालयले जनाएको छ ।
